Qulapp — კონფიდენციალურობის პოლიტიკა

ძალაში შესვლის თარიღი: 10 სექტემბერი, 2026

1. შესავალი

გთხოვთ, ყურადღებით გაეცნოთ ამ კონფიდენციალურობის პოლიტიკას, რათა გაიგოთ, როგორ ვაგროვებთ, ვიყენებთ, ვინახავთ, ვაზიარებთ და ვიცავთ თქვენს პერსონალურ მონაცემებს.

ეს კონფიდენციალურობის პოლიტიკა ვრცელდება ინფორმაციაზე, რომელსაც ვაგროვებთ Qulapp-ის მობილური აპლიკაციის, ვებგვერდების, ელფოსტის, ტექსტური შეტყობინებებისა და თქვენსა და Qulapp-ს შორის სხვა ელექტრონული კომუნიკაციის საშუალებით.

Qulapp არის ლოიალობის აპლიკაცია, რომლის საშუალებითაც მომხმარებლებს შეუძლიათ პარტნიორ მაღაზიებში განხორციელებული შესყიდვების დადასტურება, ქულების დაგროვება, შეთავაზებებისა და ფასდაკლებების გამოყენება, მისიების შესრულება, მეგობრების მოწვევა და ლიდერბორდში მონაწილეობა.

Qulapp პერსონალურ მონაცემებს ამუშავებს საქართველოს მოქმედი კანონმდებლობის, მათ შორის საქართველოს „პერსონალურ მონაცემთა დაცვის შესახებ“ კანონის შესაბამისად.

ამ პოლიტიკაში:

• „Qulapp“, „ჩვენ“ ნიშნავს Qulapp-ს ან მონაცემთა დამუშავებისთვის პასუხისმგებელ შესაბამის პირს;
• „თქვენ“ და „მომხმარებელი“ ნიშნავს Qulapp-ის მომხმარებელს;
• „პერსონალური მონაცემი“ ნიშნავს ნებისმიერ ინფორმაციას, რომელიც დაკავშირებულია იდენტიფიცირებულ ან იდენტიფიცირებად ფიზიკურ პირთან.

2. რა პერსონალურ მონაცემებს ვაგროვებთ

ჩვენ შეიძლება შევაგროვოთ და დავამუშაოთ შემდეგი კატეგორიის მონაცემები:

• სახელი და გვარი;
• მომხმარებლის სახელი;
• ელფოსტის მისამართი;
• ტელეფონის ნომერი;
• დაბადების თარიღი;
• სქესი;
• პროფილის ფოტო;
• მოწვევისა და რეფერალური კოდები;
• მეგობრული კავშირები;
• ანგარიშის სტატუსი და დონე.

• ჩეკები და ლოიალობის აქტივობა: ჩეკების ფოტოები, მაღაზიის სახელი, შესყიდვის თანხა, ატვირთვის თარიღები, ქულების ბალანსი და ისტორია, გააქტიურებული შეთავაზებები და ფასდაკლების კოდები / QR კოდები, მისიების პროგრესი, streak-ები, ლიდერბორდის ქულები.
• გამოწერის სტატუსი: გაქვს თუ არა Elite ან Black წევრობა. გადახდას ამუშავებს Apple In-App Purchase-ით; RevenueCat-ს ვიყენებთ მხოლოდ წევრობის სტატუსის შესამოწმებლად. ბარათის ნომერს ვერ ვხედავთ და არ ვინახავთ.
• მოწყობილობა და გამოყენება: ინფორმაცია ინტერნეტთან კავშირის, მოწყობილობისა და გამოყენების შესახებ, მაგ. ნანახი შეთავაზებები, კამპანიები და შეტყობინებები.
• მხარდაჭერასთან მიმოწერა: ყველაფერი, რასაც გვიგზავნი [email protected]-ზე.
• ჩვენ არ ვაგროვებთ ჯანმრთელობის მონაცემებს, ზუსტ ლოკაციას ან კონტაქტებს. კამერაზე და ფოტოების გალერეაზე წვდომა გამოიყენება მხოლოდ მაშინ, როცა ჩეკს იღებ/ტვირთავ ან ავატარს იცვლი — და მხოლოდ შენი ნებართვით. ნებართვის გაუქმება ნებისმიერ დროს შეგიძლია ტელეფონის პარამეტრებიდან.

3. რა მიზნით ვიყენებთ თქვენს მონაცემებს

თქვენს პერსონალურ მონაცემებს ვიყენებთ მხოლოდ შესაბამისი მიზნისთვის და მოქმედი სამართლებრივი საფუძვლის არსებობის შემთხვევაში.

მონაცემები შეიძლება გამოვიყენოთ:

• თქვენი ანგარიშის შესაქმნელად და სამართავად;
• აპლიკაციის ფუნქციების უზრუნველსაყოფად;
• ქულების დასარიცხად;
• ჩეკების შესამოწმებლად;
• შეთავაზებების გასააქტიურებლად;
• ფასდაკლების კოდებისა და QR კოდების დასადასტურებლად;
• მისიების, streak-ების და დონეების სამართავად;
• მეგობრებისა და რეფერალური ფუნქციების უზრუნველსაყოფად;
• ლიდერბორდის ფუნქციის უზრუნველსაყოფად;
• გამოწერების სამართავად;
• შესყიდვების აღსადგენად;
• მომხმარებლის მოთხოვნებზე პასუხის გასაცემად;
• ტექნიკური პრობლემების აღმოსაფხვრელად;
• აპლიკაციის უსაფრთხოების უზრუნველსაყოფად;
• თაღლითობის, დუბლირებული ჩეკების, ბოროტად გამოყენებისა და სხვა დარღვევების გამოსავლენად და თავიდან ასაცილებლად;
• აპლიკაციისა და მომსახურების გასაუმჯობესებლად;
• კანონით გათვალისწინებული ვალდებულებების შესასრულებლად;
• ჩვენი სამართლებრივი უფლებებისა და ინტერესების დასაცავად;
• პირდაპირი მარკეტინგის განსახორციელებლად, როდესაც ამისთვის კანონით მოთხოვნილი სამართლებრივი საფუძველი არსებობს.

4. მონაცემთა დამუშავების სამართლებრივი საფუძვლები

Qulapp თქვენს პერსონალურ მონაცემებს ამუშავებს საქართველოს მოქმედი კანონმდებლობით გათვალისწინებული შესაბამისი სამართლებრივი საფუძვლის არსებობის შემთხვევაში.

კონკრეტული მონაცემის და დამუშავების მიზნის მიხედვით, სამართლებრივი საფუძველი შეიძლება იყოს:

• თქვენი თანხმობა — როდესაც მონაცემთა დამუშავება თანხმობას ეფუძნება;
• კანონით გათვალისწინებული ვალდებულების შესრულება;
• თქვენი განცხადების/მოთხოვნის განხილვა და შესაბამისი მომსახურების გაწევა;
• სხვა სამართლებრივი საფუძველი, რომელიც პირდაპირ არის გათვალისწინებული საქართველოს კანონმდებლობით.

Qulapp თითოეული კონკრეტული დამუშავების მიზნისთვის იყენებს შესაბამის სამართლებრივ საფუძველს და არ ამუშავებს მონაცემებს იმაზე უფრო ფართოდ, ვიდრე შესაბამისი მიზნის მისაღწევად არის საჭირო.

5. ჩეკების ფოტოები და მათი შემოწმება

ქულების დასარიცხად საჭიროა თქვენი შესყიდვის დადასტურება.

ჩეკის გაგზავნისას ჩვენ ვინახავთ ჩეკის ფოტოს, თქვენს მიერ არჩეულ მაღაზიას, მითითებულ თანხას და ჩეკის შემოწმებისთვის საჭირო სხვა ინფორმაციას.

თითოეული ჩეკი შეიძლება შემოწმდეს:

• ავტომატურად;
• AI/OCR ტექნოლოგიის გამოყენებით;
• საჭიროების შემთხვევაში Qulapp-ის უფლებამოსილი თანამშრომლის მიერ.

შემოწმების მიზანია:

• მაღაზიის დადასტურება;
• შესყიდვის თანხის დადასტურება;
• თარიღის დადასტურება;
• ჩეკის წაკითხვადობის შემოწმება;
• დუბლირებული ჩეკების აღმოჩენა;
• თაღლითობისა და ბოროტად გამოყენების პრევენცია.

ავტომატიზებული ტექნოლოგია შეიძლება გამოყენებულ იქნეს ჩეკზე არსებული ინფორმაციის ამოსაცნობად.

ჩეკების კონფიდენციალურობა

ჩეკების ფოტოები არ არის საჯარო ინფორმაცია.

ისინი არ გამოჩნდება:

• ლიდერბორდზე;
• სხვა მომხმარებლების პროფილებზე;
• მეგობრების სიაში;
• პარტნიორი მაღაზიის სხვა მომხმარებლებისთვის;
• საჯარო სივრცეში.

6. მონაცემთა გაზიარება

ჩვენ შეიძლება გავაზიაროთ ისეთი სტატისტიკური (აგრეგირებული) ინფორმაცია, რომელიც კონკრეტული მომხმარებლის იდენტიფიცირების საშუალებას არ იძლევა. პერსონალური მონაცემები შეიძლება დამუშავდეს Qulapp-ის მომსახურებისთვის საჭირო სისტემებსა და სერვისებში, მათ შორის backend ჰოსტინგში (api.qulapp.ge), ჩეკების ადმინისტრირების სისტემაში (admin.qulapp.ge), QR ვალიდაციის სისტემაში (qulapp.ge) და გამოწერის სტატუსის შესამოწმებლად გამოყენებულ პროგრამებში — RevenueCat-სა და Apple-ში. მონაცემებზე წვდომა ხდება მხოლოდ Qulapp-ის მომსახურების ფუნქციონირებისთვის საჭირო ფარგლებში.

7. თქვენი უფლებები

თქვენ გაქვთ უფლება მოითხოვოთ თქვენს პერსონალურ მონაცემებზე წვდომა, მათი შესწორება ან წაშლა.

• მონაცემების მართვა: შეგიძლიათ გადახედოთ და შეცვალოთ თქვენი ინფორმაცია აპლიკაციაში, თქვენს ანგარიშზე შესვლის შემდეგ.
• ლიდერბორდიდან დამალვა: შეგიძლიათ ნებისმიერ დროს დამალოთ თქვენი პროფილი ლიდერბორდიდან პროფილის რედაქტირების განყოფილებიდან.
• ანგარიშის დახურვა: ანგარიშის სამუდამოდ დახურვა შეგიძლიათ: პროფილი → ანგარიშის დახურვა. დახურვისთვის საჭიროა პაროლის დადასტურება. ანგარიშის დახურვის შემდეგ ანგარიში და მასთან დაკავშირებული მონაცემები წაიშლება და აღნიშნული მოქმედების გაუქმება შეუძლებელია.
• მოთხოვნის გამოგზავნა: ასევე შეგიძლიათ დაგვიკავშირდეთ და მოითხოვოთ თქვენს პერსონალურ მონაცემებზე წვდომა, მათი შესწორება ან წაშლა.

8. ასაკობრივი შეზღუდვა

აპლიკაციაში რეგისტრაცია შესაძლებელია 16 წლის და უფროსი ასაკის პირებისთვის.

9. მონაცემთა შენახვის ვადა

ჩვენ ვინახავთ პერსონალურ მონაცემებს მხოლოდ იმ ვადით, რაც აუცილებელია მათი დამუშავების შესაბამისი მიზნის მისაღწევად.

შენახვის ვადის განსაზღვრისას ვითვალისწინებთ:

• მონაცემთა დამუშავების მიზანს;
• მომხმარებელთან არსებული ურთიერთობის ხანგრძლივობას;
• მომსახურების ფუნქციონირების საჭიროებებს;
• კანონით გათვალისწინებულ ვალდებულებებს;
• შესაძლო დავებსა და სამართლებრივ მოთხოვნებს.

თუ კონკრეტული მონაცემისთვის წინასწარ ზუსტი შენახვის ვადის განსაზღვრა შეუძლებელია, მონაცემები ინახება შესაბამისი მიზნის მისაღწევად აუცილებელი ვადით.

კითხვებისთვის: [email protected]